Césarée (Βασίλειος Καισαρείας)

Ἅγιος Βασίλειος ὁ Μέγας: Μὴ ζητεῖν τινα φύσιν ἔρημον ποιοτήτων
ἐκ τῶν ὁμιλιῶν εἰς τὴν Ἑξαήμερον

Περὶ τῆς γῆς συμβουλεύωμεν ἑαυτοῖς͵ μὴ πολυπραγμονεῖν αὐτῆς τὴν οὐσίαν ἥτις ποτέ ἐστι͵ μηδὲ κατατρίβεσθαι τοῖς λογισμοῖς αὐτὸ τὸ ὑποκείμενον ἐκζητοῦντας͵ μηδὲ ζητεῖν τινα φύσιν ἔρημον ποιοτήτων͵ ἄποιον ὑπάρχουσαν τῷ ἑαυτῆς λόγῳ͵ ἀλλ᾿ εὖ εἰδέναι ὅτι πάντα τὰ περὶ αὐτὴν θεωρούμενα εἰς τὸν τοῦ εἶναι κατατέτακται λόγον͵ συμπληρωτικὰ τῆς οὐσίας ὑπάρχοντα. Εἰς οὐδὲν γὰρ καταλήξεις͵ ἑκάστην τῶν ἐνυπαρχουσῶν αὐτῇ ποιοτήτων ὑπεξαιρεῖσθαι τῷ λόγῳ πειρώμενος. Ἐὰν γὰρ ἀποστήσῃς τὸ μέλαν͵ τὸ ψυχρὸν͵ τὸ βαρὺ͵ τὸ πυκνὸν͵ τὰς κατὰ γεῦσιν ἐνυπαρχούσας αὐτῇ ποιότητας͵ ἢ εἴ τινες ἄλλαι περὶ αὐτὴν θεωροῦνται͵ οὐδὲν ἔσται τὸ ὑποκείμενον